【賽事回顧：U10賽馬會五人足球盃】
13/04/2026
【賽事回顧：U10賽馬會五人足球盃】
今個星期日（4月12日）我哋大埔浸信會公立學校嘅U10足球小將去咗寶湖道小型足球場，繼續出戰「賽馬會五人足球盃」！
面對強勁嘅對手，我哋嘅同學仔毫無懼色，喺球場上全力以赴，展現出無比嘅毅力同拼搏精神！
賽事結果：
• 大埔浸信會公立學校 0：3 將軍澳循道衛理小學
• 大埔浸信會公立學校 1：3 東華三院蔡榮星小學
雖然今次未能取得勝利，但對於U10嘅小朋友嚟講，比賽最重要嘅係吸取經驗同發揮團隊精神！ 每一次傳波、每一次奮力防守、甚至跌倒後再企起身，都係佢哋成長路上最寶貴嘅一課。
期待同學們下一次比賽越挫越勇，踢出更好嘅表現！
